“E pabesueshme çfarë po ndodh”, gazetari gjerman reagon pas thirrjes së Desada Metajt në polici
“E pabesueshme çfarë po ndodh”, gazetari gjerman reagon pas thirrjes së Desada Metajt në polici
14 DHJETOR 2020
Gazetari gjerman i “Bild” Peter Tiede pasi publikoi përgjimet për zgjedhjet në Dibër, këtë herë akuzon kryeministrin Rama se po kërcënon shtypin e lirë duke shtuar se kjo gjë i ka ndodhur dhe atij personalisht.
Ai ka reaguar ashpër pas lajmit që dha vetë gazetarja Desada Metaj për thirrjen e saj në polici.
“E pabesueshme se çfarë po ndodh përsëri në Shqipëri: Sot policia hyri në banesën e gazetares Desada Metaj. Prej ditësh ka pasur protesta për vrasjen e një 25-vjeçari nga oficeri i policisë. U qëllua nga prapa sepse ai shkeli urdhrat e COVID dhe doli nga shtëpia pas bllokimit…
Tani kolegia e njohur shqiptare që komentoi ngjarjet është akuzuar për thirrjen e protestave dhe organizimin e tyre. Ky është një rast i ri i paaftësisë dhe kërcënimeve ndaj shtypit të lirë nga administrata e Edi Ramës, duke intimiduar dhe paditur rregullisht gazetarët. Të dyja më kanë ndodhur personalisht. Por kolegët në vend po kalojnë më shumë vështirësi”, deklaron Tiede.
Gazeta Sot